अंजोर.महासमुंद। रायपुर के गांजा तस्करी के आरोप म दू आरोपी पति-पत्नी आज पुलिस के हाथ लगे हावय। मिले आरो के मुताबिक दूनो झी सफेद रंग के होण्डा एक्टीवा स्कूटी म उडिसा ले महासमुन्द रोड़ म आवत पिथौरा चौक बागबाहरा पहुचे रिहिस उही बखत घेराबंदी करके रोके गिस। सुनिल निषाद पिता निर्मल निषाद उम्र 25 साल अउ नम्रता निषाद पति सुनिल निषाद उम्र 27 साल शंकर नगर वार्ड नं 03 न्यू शांति नगर रायपुर निवासी के एक भूरा रंग के बैग म 11 किलो ग्राम अवैध मादक पदार्थ गांजा कीमती 110000 रूपिया संग होण्डा एक्टीवा ल तको जप्त करे गे हावय। आरोपी मनके विरूद्ध अपराध धारा 20(ख) एनडीपीएस एक्ट के अपराध घटित करे पाये जाए अउ अपराध स्वीकार करे म आरोपी मनला विधिवत गिरफ्तार करके न्यायालय पेश करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।