आदिवासी मन ऊपर दर्ज प्रकरण के वापसी बर डीजीपी लीस समीक्षा बइठक

अंजोर.रायपुर। मुख्यमंत्री भूपेश बघेल के निर्देश म पुलिस मुख्यालय म आदिवासी मन ऊपर दर्ज प्रकरण के वापसी बर समीक्षा बइठक आयोजित करे गिस। जेमा डीजीपी डीएम अवस्थी ह प्रकरण वापसी के खातिर स्पीडी ट्रायल चलाये निर्देश दिस। ओमन किहिन के प्रकरण वापसी म लापरवाही बर्दास्त नइ करे जाही। मैं लघियातेच वीडियो कॉन्फ्रेंसिंग के माध्यम ले संबंधित जिला के समीक्षा करहूं। डीजीपी ह प्रकरण के सुनवाई खातिर 08 जिला जगदलपुर, दंतेवाड़ा, बीजापुर, कोण्डागांव, कांकेर, सुकमा, नारायणपुर अउ राजनांदगांव म नोडल अधिकारी नियुक्त करे हावय अउ ये बइठका म ओमन सबो प्रकरण के समीक्षा करिन। अतिरिक्त पुलिस अधीक्षक गोरखनाथ बघेल, जिला कांकेर, उप पुलिस अधीक्षक शिल्पा साहू, जिला दंतेवाड़ा, आदित्य पाण्डेय, उप पुलिस अधीक्षक (ऑप्स), जिला जगदलपुर, उप पुलिस अधीक्षक आशा सेन, जिला सुकमा, दीपक मिश्रा, उप पुलिस अधीक्षक, जिला कोण्डागांव, उप पुलिस अधीक्षक उन्नति ठाकुर, जिला नारायणपुर, मिर्जा जियारत बेग, अतिरिक्त पुलिस अधीक्षक, जिला बीजापुर, कविलाश टण्डन, अतिरिक्त पुलिस अधीक्षक, जिला राजनांदगांव के नोडल अधिकारी बनाये गे हावय। संबंधित पुलिस अधीक्षक ल तको निर्देशित करे गे हावय के अत्यावश्यक परिस्थिती ल छोड़के उक्त नोडल अधिकारी ले आन कोनो बुता नइ कराये जाए। 

नोडल अधिकारी मनला ये जिम्मेदारी दे गिस के विचारण खातिर संबंधित न्यायालय/न्यायालय के शासकीय अभिभाषक अउ कोर्ट मोहर्रिर ले समन्वय करत पार्याप्त समयापूर्व साक्षी मनले समंस जारी अउ तामिली कराही अउ पेशी दिनांक के आरोपी अउ साक्षी मनके उपस्थिति सुनिश्चित करही। पेशी दिनांक के पूर्व साक्षी मनके सूची के परीक्षण करही अउ अइसन साक्षी जेन शासकीय सेवक हाबे अउ आन जिला म स्थानांतरित या सेवानिवृत्त होगे हावय ओमन ले समय म सम्पर्क करके उंकर पेशी दिनांक म उपस्थिति सुनिश्चित करही। उक्त प्रकरण मन म एफ.एस.एल. अउ आन अन्य विशेषज्ञ के रिपोर्ट यदि अप्राप्त होही तव समन्वय करके प्राप्त करही।