मंत्रालय म प्रवेश खातिर सामान्य प्रशासन विभाग जारी करिस नवा निर्देश

अंजोर
0


अंजोर.रायपुर। मंत्रालय महानदी भवन नवा रायपुर म प्रवेश खातिर सामान्य प्रशासन विभाग ह नवा दिशा-निर्देश जारी करे हाबे। आगू जारी निर्देश के अनुसार कोविड-19 के संक्रमण के रोकथाम अउ नियंत्रण बर मंत्रालय म कोनो बाहरी आदमी के आना-जाना प्रतिबंधित करे गे रिहिसे। घातेच जरूरी प्रकरण म ही विभागीय सचिव के अनुमति ले ही प्रवेश के निर्देश जारी करे जात रिहिसे। फेर अब सामान्य प्रशासन विभाग ह नवा निर्देश जारी करे हाबे काबर के मंत्रालय म अधिकारी-कर्मचारी के शत-प्रतिशत उपस्थिति के संग कार्य संचालित होत हावय। तब कार्य सुविधा ल देखत हुए मंत्रालय म प्रवेश बर अइसने मनखे जेकर कना मंत्रालय सुरक्षा कार्यालय ले जारी करे वैध स्थायी अउ अस्थायी प्रवेश-पत्र हावय, ओमन प्रवेश कर सकत हाबे। जेन आदमी कोनो शासकीय कार्य या विभागीय कार्य ले मंत्रालय म प्रवेश करना चाहत हाबे ओला विभागीय सचिव के अनुमति ले ही मंत्रालय म प्रवेश दे जाही।

अइसने मंत्रालय म आगंतुक अउ जन सामान्य जेन बइठक, निजी कार्य अउ सौजन्य भेंट करे खातिर मंत्रालय म प्रवेश चाहत हाबे ओमन पहिली सहिक मंत्रालय के सुरक्षा कार्यालय ले जारी करे दैनिक पास के माध्यम ले प्रवेश करे सकही। आगंतुक मन तको मंत्रालय म प्रवेश खातिर निर्देशानुसार नियम के पालन करत कोविड-19 संक्रमण के रोकथाम अउ नियंत्रण ल देखत मंत्रालय म प्रवेश करत बेरा सेनीटाइजर अउ मास्क के उपयोग करत, सोशल डिस्टेंसिंग के पालन अनिवार्य रूप ले करय। मंत्रालय के भीतर बिगर मास्क के पाए जाए अउ निर्देश के उल्लंघन करे म जारी करे गे प्रवेश पत्र निरस्त कर दे जाही। सामान्य प्रशासन विभाग ह दिशा-निर्देश के संबंध म मंत्रालय म सबो अपर मुख्य सचिव, प्रमुख सचिव, सचिव अउ विशेष सचिव सहित निज सचिव अउ निज सहायक माननीय मंत्रीगण अउ मुख्य सुरक्षा अधिकारी मंत्रालय ल पत्र प्रेषित करके आरो कर दे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !