ग्रामीण आजीविका के केन्द्र बनत हाबे गौठान

अंजोर.रायपुर। छत्तीसगढ़ म अब गौठान ग्रामीण मनके आजीविका के साधन बनत हाबे। बिलासपुर जिला के 35 एकड़ क्षेत्र म फैले आदर्श ग्राम गौठान सेलर ग्रामीण के विकास अउ आजीविका संवर्धन के खातिर अब ग्रामीण औद्योगिक केन्द्र के रूप म विकसित हो चुके हावय। बिलासपुर जिला मुख्यालय ले 18 किलोमीटर दूर विकासखंड बिल्हा म स्थित सेलर ग्राम पंचायत म महिला मन अब आत्मनिर्भरता कोति अग्रसर होत हाबे। कभू घर के चारदीवारी तक ही सीमित रहइया मन अब आर्थिक रूप ले सशक्त होके हर मोर्चा म अपन उपस्थिति दर्ज करावत हावय।

सेलर गौठान म सुराजी गांव योजना के तहत 11 महिला स्व-सहायता ल आर्थिक गतिविधी ले जोड़े गे हावय। महारानी लक्ष्मीबाई स्व सहायता समूह ह बत्तख पालन सह हरा चारा उत्पादन के काम करत हावय, ये समूह म दस महिला हाबे। पतरकोनी गौरेला म सहकारी समिति ले अण्डा खरीदी खातिर अनुबंध करे गे हावय। शिव शक्ति स्व सहायता समूह ह दोना पत्तल निर्माण बनातव हावय। समूह ह प्रतिमाह 366000 दोना निर्माण करत हावय।

अइसने जागृति समूह द्वारा मशरूम उत्पादन करत हाबे जेमा 11 सदस्य हाबे। ओमन 75 किलो मशरूम के उत्पादन करत 8 हजार रूपिया प्रतिमाह के आय करत हावय। इही प्रकार ले मछली पालन, वर्मी कम्पोस्ट अउ वर्मी वाश उत्पादन, मुर्गी पालन, गोबर गैस प्लांट, बकरी पालन, बाड़ी विकास अउ सब्जी उत्पादन जइसे योजना ले अपन जिन्दगी बदलत हावय।