अंजोर.रायपुर। छत्तीसगढ़ लोक सेवा आयोग कोति ले उच्च शिक्षा विभाग के अंतर्गत विधि, संस्कृत, माईक्रोबायलाजी, बायोकेमेस्ट्री, वानिकी, बायोटेक्नोलाजी अउ भूगर्भशास्त्र विषय खातिर सहायक प्राध्यापक पद म चिन्हांकित 93 अभ्यर्थी मनके साक्षात्कार 9 अउ 10 फरवरी के आयोजित करे गे हावय।
साक्षात्कार बर चिन्हांकित अभ्यर्थी मनके दस्तावेज के सत्यापन साक्षात्कार तिथि के एक दिन पहिली दू पाली म 9 बजे ले दोपहर 12 बजे तक अउ दोपहर 1 बजे ले शाम 5 बजे करे जाही। दस्तावेज के सत्यापन म अनुपस्थित अभ्यर्थी ल साक्षात्कार म शामिल होए के अनुमति नइ दे जाए।
छत्तीसगढ़ लोक सेवा आयोग ह सहायक प्राध्यापक विधि, संस्कृत, माईक्रोबायोलॉजी, बायोकेमेस्ट्री, वानिकी, बायोटेक्नोलॉजी, भूगर्भशास्त्र (उच्च शिक्षा विभाग) के कुल 58 विज्ञापित पद बर लिखित परीक्षा 05 नवम्बर 2020 ले 08 नवम्बर 2020 तक आयोजित करे रिहिसे। जेकर परीक्षा परिणाम 19 जनवरी 2021 के जारी करे गिस। लिखित परीक्षा के प्राप्तांक अउ अभ्यर्थी मनके उपलब्धता के आधार म कुल 93 अभ्यर्थी ल साक्षात्कार खातिर चिन्हांकित करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।