अंजोर.रायपुर। छत्तीसगढ़ शासन ह गौठान म उत्पादित वर्मी कंपोस्ट के न्यूनतम विक्रय दर 8 रूपिया प्रति किलो ले बढ़ाके न्यूनतम 10 रूपिया प्रति किलोग्राम कर दे हावय। मुख्यमंत्री श्री बघेल के निर्देश म कृषि उत्पादन आयुक्त ह येकर आदेश जारी कर दे हावय। जानबा होवय के प्रदेश म ये साल हरेली पर्व ले देश के अपन तरह के पहली गोबर खरीदी के अभिनव योजना गोधन न्याय योजना प्रारंभ करे गे हावय, जेकर तहत 2 रूपिया प्रति किलोग्राम म ग्रमीण, किसान अउ पशुपालक ले गोबर खरीदी करे जात हावय। गोधन न्याय योजना म अब तक 1.36 लाख गोबर विक्रेता जे खरीदे गोबर के मूल्य के रूप म 59.08 करोड़ रूपिया के भुगतान मुख्यमंत्री ह ऑनलाइन उंकर खाता म कराये हावय।
छत्तीसगढ़ सरकार के सुराजी गांव योजना के तहत प्रदेश म स्वीकृत 6430 गौठान म ले 4487 गौठान म गोबर खरीदी के कार्य करे जावत हावय। खरीदे गोबर ले वर्मी कंपोस्ट बनाये के खातिर गौठान म अब तक 44 हजार टांका के निर्माण करे गे हावय अउ 16 हजार टांका बनाए जात हाबे। अब तक प्रदेश म 8000 क्विंटल वर्मी कंपोस्ट के उत्पादन गौठान म हो चुके हावय अउ 1000 क्विंटल वर्मी कंपोस्ट की बिक्री के होगे हावय। प्रदेश के हजारों महिला स्व सहायता समूह गौठान म गोबर ले वर्मी कंपोस्ट तइयार करे के काम करत हाबे, वर्मी कंपोस्ट के न्यूनतम विक्रय दर म वृद्धि ले आय म अऊ इजाफा होही। ये योजना के तहत राज्य शासन कोति ले प्रदेश के हर जिला म वर्मी कंपोस्ट के गुणवत्ता के जांच के खातिर प्रयोगशाला स्थापित करे के तको योजना हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।