अंजोर.रायपुर। मुख्यमंत्री भूपेश बघेल के नेतृत्व म राज्य म नवा सरकार के 2 बछर पूरा होए के मउका म राज्य के ऐतिहासिक अउ सांस्कृतिक धरोहर राम वन गमन परिपथ म 14 दिसम्बर ले 17 दिसम्बर तक पर्यटन रथ अउ बाइक रैली के आयोजन करे जात हावय। ये रथ अउ रैली राज्य के उत्तर स्थित-सीतामढ़ी हरचैका जिला कोरिया अउ दक्षिण म स्थित-रामराम जिला सुकमा दूनो छोर ले 14 दिसंबर के सुरू होही जेन आने आने ठउर म रूकत 17 दिसंबर के चंदखुरी म सामाप्त होही।
सबो जिला के एक सीमा ले दूसर सीमा तक अलग-अलग बाइक समूह होही। येमा गणमान्य नागरिक अउ जनप्रतिनिधी मन वाहन ल झण्डा देखाके रवाना करत जाही। रैली सिरिफ दिन के सूर्यास्त तक आयोजित करे जाही। रैली ल आगू उही ठउर ले फेर सुरू करे जाही जिहां रूके रइही। पथ अनुसरण प्रस्तावित राम वन गमन परिपथ सर्किट के नक्शा के अनुसार करे जाही। बाइक रैली जिहां-जिहां पहुंचही उहां फूल के वर्षा करत स्वागत करे जाही अउ राम पाठ के आयोजन तको करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।