Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

17 दिसम्बर के उत्तर-दक्षिण छत्तीसगढ़ के चंदखुरी म होही मिलन, राम वन गमन परिपथ म रथ अउ रैली

 

अंजोर.रायपुर। मुख्यमंत्री भूपेश बघेल के नेतृत्व म राज्य म नवा सरकार के 2 बछर पूरा होए के मउका म राज्य के ऐतिहासिक अउ सांस्कृतिक धरोहर राम वन गमन परिपथ म 14 दिसम्बर ले 17 दिसम्बर तक पर्यटन रथ अउ बाइक रैली के आयोजन करे जात हावय। ये रथ अउ रैली राज्य के उत्तर स्थित-सीतामढ़ी हरचैका जिला कोरिया अउ दक्षिण म स्थित-रामराम जिला सुकमा दूनो छोर ले 14 दिसंबर के सुरू होही जेन आने आने ठउर म रूकत 17 दिसंबर के चंदखुरी म सामाप्त होही। 

सबो जिला के एक सीमा ले दूसर सीमा तक अलग-अलग बाइक समूह होही। येमा गणमान्य नागरिक अउ जनप्रतिनिधी मन वाहन ल झण्डा देखाके रवाना करत जाही। रैली सिरिफ दिन के सूर्यास्त तक आयोजित करे जाही। रैली ल आगू उही ठउर ले फेर सुरू करे जाही जिहां रूके रइही। पथ अनुसरण प्रस्तावित राम वन गमन परिपथ सर्किट के नक्शा के अनुसार करे जाही। बाइक रैली जिहां-जिहां पहुंचही उहां फूल के वर्षा करत स्वागत करे जाही अउ राम पाठ के आयोजन तको करे जाही।

ये रैली चिन्हांकित पर्यटन स्थल मनले सकेले माटी अउ प्रतीक चिनहा के संग चंदखुरी म 17 दिसम्बर के मंझनिया 1:30 बजे पहुंचही उहां भव्य कार्यक्रम के आयोजन के संग ये माटी ले चंदखुरी म वृक्षारोपण करे जाही अउ यात्रा उपरांत प्रतीक चिन्ह ल मुख्य अतिथि ल सौंपे जाही।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285