सफलता के कहानी : मोर जमीन मोर मकान योजना ले सपना होइस साकार

अंजोर.रायपुर। आज के भागदौड़ भरे जिनगी म अपन जरूरत ल पूरा करे खातिर संयुक्त परिवार टूटत हाबे अउ लोगन परिवार के सदस्य ले तको दूर होवत हाबे। प्रधानमंत्री आवास योजना के तहत एक परिवार ल फेर मिलाये के प्रयास करिन । गौरीनगर म कच्चा मकान म एक ही परिवार के श्रीमती सोनबती साहू अउ श्रीमती सरस्वती साहू के परिवार राहय। परिवार म सास-बहू के खटर-पटर होए के सेती र म दू चूल्हे बनगे रिहिस। दोनों परिवार अगल-बगल म रहिके तको एक दूसर ले दूर रिहिस। प्रधानमंत्री आवास योजना के घटक मोर जमीन मोर मकान योजना के तहत ओमन अपन घर ल बनाये के तैयारी शुरू करिन। ये मउका म आर्किटेक के समझाए म के आप दूनो आपस म मिलके अपन आवास के निर्माण करत हाबो त आवास निर्माण म जो खर्च आही ओमा कुछ कटौती हो सकत हावय। दोनों परिवार ल बात समझ म आईस अउ फिर दोनों परिवार एक साथ मिलके अपन आवास ल सुन्दर अउ सुविधायुक्त बनाये म जुट गे। आवास के साथ-साथ रिश्ता ल तको संजोये नया रूप दिस। शासन के ये योजना गरीब अउ जरूरतमंद के खाति मददगार हावय।