छत्तीसगढ़ राज्य महिला आयोग अध्यक्ष ह महिला मनला ल झूठा मामला प्रस्तुत करे ले बचे के दीस समझाईश

अंजोर.बिलासपुर। छत्तीसगढ़ राज्य महिला आयोग के अध्यक्ष डॉ.श्रीमती किरणमयी नायक ह बिलासपुर म महिला उत्पीड़न ले संबंधित प्रकरण म जन-सुनवाई करिन। दो दिवसीय सुनवाई के प्रथम दिन म 20 प्रकरण रखे गे रिहिसे जेमा 7 प्रकरण के निराकरण मौके म ही करिन। डॉ.श्रीमती नायक ह महिला मनला ल झूठा मामला प्रस्तुत करे ले बचे के समझाईश दीस। ओमन किहिन के कानून के दुरूपयोग करे म ओकर लाभ नइ मिल पावय। 

प्रार्थना सभा भवन म आयोजित सुनवाई म मुख्य रूप ले महिला मनला ले मारपीट, मानसिक प्रताड़ना, कार्यस्थल म प्रताड़ना, दहेज प्रताड़ना, टोनही प्रताड़ना, शारीरिक प्रताड़ना ले संबंधित प्रकरण म सुनवाई करे गिस। बिलासपुर निवासी एक आवेदिका ह अपन सास ससुर के खिलाफ आयोग के समक्ष शिकायत करे रिहिसे। ओकर सास-ससुर कोति ले ओकर पति के साथ-साथ उंकर मायके वाला ल तको धमकाया जाथे। काबर के ओमन अपन पसंद ले विवाह करिन। अनावेदक महिला के ससुर ह सुनवाई म उपस्थित होके बतादन के ओमन अपन बेटे ल संपत्ति ले वर्ष 2013 म ही बेदखल कर दे हावय। तभो ले पति-पत्नी उनके घर म घुसके अधिकार जमात हाबे। आयोग के अध्यक्ष ह से प्रकरण ल गंभीरता ले सुनिस अउ  येमा निर्णय लेतत हुए प्रकरण ल नस्तीबद्ध करे के निर्देश दिस। काबर के ये प्रकरण म झूठा शिकायत अउ दबाव ले संबंध बनाये के प्रयास करे गे रिहिस। तखतपुर निवासी एक आवेदिका ह अपन शिकायत म बताइन कि ओकर घर के तिर मजार म जबरन कब्जा कर ले गे हावय, जेकर विरोध करे म पति ले झगड़ा करिन। अध्यक्ष डॉ.श्रीमती नायक के निर्देश म दूनो पक्ष के बीच सामाजिक समझौता कराये खातिर आयोग कोति ले वक्फ बोर्ड ल पत्र भेज गिस अउ पूरा मामला के जांच कराके प्रतिवेदन तीन माह के भीतर प्रस्तुत करे खातिर वक्फ बोर्ड के सचिव ल कहे गिस।