अंजोर.दन्तेवाड़ा। दंतेवाड़ा के नाम सुनते ही सबके जहन म नक्सली क्षेत्र अउ हिंसक वारदात आथे, अइसन बर मेहरार चो मान उंकर खातिर करारा जवाब हावय। पैडमैन के तर्ज म ये पैडवुमेंस जागरूकता फैलाके जिला के महिला मनके मान बढ़ात हावय। धुर नक्सली क्षेत्र म जिला प्रशासन अउ एनएमडीसी के पहल ले हल्बी भाषा के वाक्य ‘मेहरार चो मान ‘अर्थात महिल मनके सम्मान के नाम ले सेनेटरी पैड निर्माण के महत्वकांक्षी परियोजना चलात हावय। जेकर खातिर जिला प्रशासन कोति ले निःशुल्क 8 महिला स्व समूह ल सेनेटरी पैड बनाये के मशीन प्रदान करे गिस। जेकर ले कम कीमत म बाजार म उपलब्ध बड़े ब्रांड ले बेहतर, जैल युक्त, अधिक सोखने वाला, पर्यावरण अनुकुलित, केमिकल रहित सेनेटरी पैड के उत्पादन होवत हावय। जेकर कीमत 25 रु प्रति पैकेट हावय जोन केंद्र ल जिला प्रशासन कोति ले देवत हावय। जिला प्रशासन के सहयोग ले आठ केंद्र म निशुल्क सेनेटरी नैपकिन पैड के मशीन दे गे हावय जेकर कुल लागत 24लाख 71 हजार 648 हावय वर्तमान म स्व सहायता समूह के कोति ले कुल 3 लाख 31 हजार 8सौ 08 पैड के निर्माण करे गे हावय अउ अब तक 14 लाख 10 हजार 9 सौ 07 रूपिया के राशि प्राप्त कर चुके हाबे वर्तमान म 8 समूह के कुल 90 महिला ल आजीविका ले जोड़के रोजगार के मउका मिलत हावय।
बड़ेबेड़मा, कटेकल्याण, मुचनार गीदम, कारली, चितालुर, बालुद, भांसी, मैलावाड़ा, कोड़ेनार के दीदी मन ये परियोजना के उद्देश्य केवल किशोरी अउ महिला ल सेनेटरी पैड उपलब्ध कराना न होके ओ मनला मासिक धर्म के बारे म भ्रांती के प्रति जागरूक करके गम्भीर बीमारी ले निजात दिलाना तको हावय। ‘मेहरार चो मान‘ अभियान ले जुड़के समूह के महिला न केवल सेनिटरी पैड निर्माण ले आय अर्जित करत हाबे परिवार ल संबल प्रदान करत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।