प्राकृतिक आपदा पीड़ित मन खातिर 16 लाख के आर्थिक सहायता स्वीकृत

अंजोर.रायपुर। छत्तीसगढ़ शासन के राजस्व अउ आपदा प्रबंधन डहर ले राज्य के केऊ जिला म प्राकृतिक आपदा पीड़ित ल राजस्व पुस्तक परिपत्र के प्रावधान के तहत जिला कलेक्टर के माध्यम ले आर्थिक अनुदान सहायता स्वीकृत करे गे हावय। कांकेर अउ जशपुर जिला म चार प्रकरण म 16 लाख रूपिया के आर्थिक सहायता स्वीकृत करे गे हावय।

राजस्व पुस्तक परिपत्र 6-4 के तहत जशपुर जिला के विकासखंड बगीचा के ग्राम कुरडेग के धन्नो बाई अउ कांसाबेल विकासखंड के ग्राम मुड़ाटोली के शिवनंदन साय के मृत्यु पानी म डूबे ले होए म अउ फरसाबहार विकासखंड के ग्राम दाईजबहार के देवनाथ के  आकाशीय बिजली गिरे ले मृत्यु होए के सेती मृतक के पीड़ित परिजन ल चार-चार लाख रूपिया आर्थिक सहायता स्वीकृत करे गे हावय। अइसने कांकेर जिला के पखांजूर तहसील के ग्राम इंद्रप्रस्थ के नीलिमा मृधा के मृत्यु सर्पदंश ले होए ले परिजन ल चार लाख रूपिया के आर्थिक सहायता स्वीकृत करे गे हावय।