अंजोर.रायपुर। प्रदेश म कोविड-19 के परीक्षण के खातिर आरटीपीसीआर, रेपिट एंटिजन अउ ट्रूनाट टेस्ट के दर काफी कम कर दे गिस हावय। राज्य के निजी अस्पताल अउ पैथालॉजी केन्द्र म नवा दर तत्काल प्रभाव ले लागू कर दे गिस हावय। आज स्वास्थ्य विभाग कोति ले ये संबंध म आदेश जारी कर दे गे हावय।
जारी आदेश के तहत आरटीपीसीआर टेस्ट के खातिर यदि सेम्पल कलेक्शन पैथोलाजी सेन्टर म कराही तव खातिर मरीज ले 750 रूपिया के शुल्क निर्धारित करिन गे हावय। इही रकम ले सेम्पल कलेक्शन मरीज के घर या प्राइवेट अस्पताल म जाके लेत हावय त मरीज ले जांच शुल्क 200 रूपिया प्रति मरीज अतिरिक्त ले जाही।
अइसने नेट टेस्ट के खातिर यदि कोविड-19 टेस्ट के सेम्पल कलेक्शन पैथोलाजी सेन्टर म होही तव खातिर जांच शुल्क 1500 रूपिया प्रति मरीज लेही। सेम्पल कलेक्शन मरीज के घर या प्राइवेट अस्पताल म जात हावय मरीज ले जांच शुल्क 200 रूपिया प्रति मरीज अतिरिक्त ले जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।