शिवरीनारायण मेला मैदान म राम, लक्ष्मण अउ शबरी के मूर्ति के होइस अनावरण

अंजोर.जांजगीर। छत्तीसगढ़ म भक्तिन शबरी के जेन कथा कं‍थली सुनथन ओहा सिरतोन म हमना सतयुग के सुरता देवाथे। महत्ता ह तब अऊ गजब बाढ़ जथे तब अइसन देव ठउर म पहुंच के दर्शन करथन। अऊ फेर हमर छत्ती‍सगढ़ म तो भगवान राम ह कई बछर रेहे हावय। हमर प्रदेश के मुखिया ह इही ठउर मनला संरक्षित करे के जबर बुता करत हाबे। 

मुख्यमंत्री श्री बघेल ह आज प्रसिद्ध रामायणकालीन स्थल शिवरीनारायण म पहुंच के मेला मैदान म बने भगवान राम, लक्ष्मण अउ माता शबरी के मूर्ति के अनावरण करिन। ये मउका म मुखिया भूपेश बघेल के अलावा मंत्री अमरजीत भगत, डॉ. शिवकुमार डहरिया, महंत रामसुंदर दास मन तको रिहिन। ओमन शिवरीनारायण मंदिर म पहुंचके पूजा-अर्चना करत प्रदेश के सुख, समृद्धि अउ खुशहाली के कामना करिन अउ संत मनके संग बइठके रामधुनी के पाठ करिस।

कार्यक्रम म आगू शिवरीनारायण जनता कोति ले मुख्यमंत्री श्री बघेल के छत्तीयसगढ़ी व्यंयजन ठेठरी, खुर्मी, पपची, अइरसा, मुरकु, खाजा अउ सलोनी उक ले तौले गिस। श्री बघेल ह अइसन आत्मीय स्वागत बर शिवरीनारायण मठ के आभार माने हावय।