अंजोर.राजनांदगांव। जिला राजनांदगांव के जंगल म आज पुलिस ल भारी मात्रा म विस्फोटक समान सहित अऊ आन डंप करके राखे जिनिस बरामद होए हाबे। मिले आरो के मुताबिक थाना औंधी के घोर नक्सल प्रभावित ग्राम मेटातोड़के के पहाड़ी जंगल म नक्सली मन कोति ले पुलिस पार्टी ल नुकसान पहुंचाये खातिर रखे 50 किलो अमोनियम नाइट्रेट ल पुलिस बरामद करिस।
जिला पुलिस बल अउ डीआरजी राजनांदगांव, डीआरजी मानपुर अउ वीडीएस टीम ह थाना औंधी क्षेत्र के ग्राम गोड़री, आमपायली मेटातोड़के, नैनगुड़ा जंगल कोति ले नक्सल विरोधी अभियान के सर्चिंग म निकले रिहिन। तभे सर्चिंग पार्टी ल आत्म समर्पित नक्सली के निशानदेही म ग्राम मेटातोड़के के जंगल म एक प्लास्टिक ड्रम के अंदर 50 किलो अमोनियम नाइट्रेट बरामद होइस जेला सावधानी पूर्वक नष्ट करे गिस।
येकर अलावा गातापार के कैम्पम मलैदा क्षेत्र के ग्राम कौहाबाहरा के पहाड़ी जंगल म नक्सली मनके डंप करके राखे भारी मात्रा म समान बरामद होए हाबे। जेमा 1 नग बंदूक, 1 नग एच.ई. ग्रिनेड के आउटर कव्हर, 5 बंडल इलेक्ट्रीक वायर, 1 नग सोलर प्लेट, 23 नग बैटरी, 24 नग टार्च, स्वीच सेलोटेप, चाकू अउ कन्वटर बाक्स हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।