लुगरा म राम दरबार, हाथकरघा संघ बनाइस ‘रामायण साड़ी‘ : गुरु रूद्रकुमार

अंजोर
0


अंजोर.जांजगीर-चांपा। ग्रामोद्योग मंत्री गुरु रूद्रकुमार के विशेष पहल म जांजगीर-चांपा जिला के चंद्रपुर के सिद्धहस्त बुनकर मन कोसा के लुगरा के आंचल म भगवान श्री राम के अलौकिक दरबार के डिजाईन के बुनाई करे हावय। माता-बहिनी मनके अछरा म अब भगवान श्री राम के दरबार के अलौकिक नजारा दिखत हाबे।

मिले आरो मुताबिक हाथकरघा विभाग कोति ले ये लुगरा ल ‘रामायण साड़ी‘ के नाम से लांच करे हावय। रामायण साड़ी अतेक सुघ्घर हावय के लोगन मन हाथों-हाथ खरीत हावय। रामायण साड़ी बिलासा एंपोरियम रायपुर म उपलब्ध होए के संगे-संग ऑनलाइन बिक्री बर तको उपलब्ध हावय।

मंत्री गुरु रूद्रकुमार किहिन के छत्तीसगढ़ सरकार के महत्वाकांक्षी योजना राम वन गमन पथ ल राष्ट्रीय पर्यटन स्थल विकसित करे के संग हाथकरघा विभाग कोति ले चंद्रपुर के बुनकर मन कोसा के लुगरा म अछरा म अपन कल्पनाशीलता ले श्री राम जी के दरबार के डिजाईन बुने हावय। जानबा होवय के येकर पहिली पूर्व हाथकरघा विभाग कोति ले कौशिल्या कलेक्शन के नाम से लुगरा के नवा श्रृखंला लांच करे गे रिहिसे। ये लगुरा म चंदखुरी के माता कौशिल्या के मंदिर के वास्तुकला के डिजाईन उकेरे गे रिहिस। जानबा हावेय के राज्य के बुनकर अउ शिल्पी मनके बनाये वस्त्र अउ उत्पाद मनके ऑनलाइन मार्केटिंग शुरू करे गे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !