रायपुर नगर म दुष्कर्म, चोरी, डकैती अउ नारकोटिक्स एक्ट म कई अपराधी के होइस गिरफ्तारी

अंजोर.रायपुर। प्रदेश म बाढ़त अपराध म सरलग मंत्री अउ अफसर मनके बइठका के दौर चलत हाबे। ये बीच राजधानी रायपुर म दुष्कर्म के मामला आगू आइस। एजेंसी ले मिले आरो के मुताबिक पुलिस लघियात कार्यवाही करत थाना गुढ़ियारी के ये मामला म दर्ज अपराध क्रमांक 222/20 धारा 365, 376डी, क, 506 भादवि अउ 4, 6 पास्को एक्ट के प्रकरण म पीड़िता के दोस्त मुख्य आरोपी हिमांशु गुप्ता पिता दिलीप केशरवानी उम्र 18 साल निवासी जनता कालोनी गुढ़ियारी रायपुर ल गिरफ्तार करके विधिवत कार्यवाही करत हाबे।

अपराध के रोकथाम बर रायपुर पुलिस के सबो पुलिस राजपत्रित अधिकारी, थाना प्रभारी मन शहर के अलग-अलग थाना क्षेत्र म ताबड़तोड़ कार्यवाही करत हाबे। जेमा आम्र्स एक्ट के प्रकरण म 26 आरोपी, आबकारी एक्ट म 03 आरोपी, नारकोटिक्स एक्ट 04 आरोपी सहित 36 व्यक्ति के विरूद्ध धारा 151 जा.फौ. के तहत कार्यवाही करे हाबे। अइसने डकैती के तैयारी करत 05 आरोपी राजा नायडू, शेख अजहर उर्फ विक्की, भूपेन्द्र उर्फ छोटू बाग, रॉकी उर्फ राकेश, गोपी उर्फ राहुल आहूजा के तेलीबांधा रायपुर म गिरफ्तारी होए हाबे।