मुंगेली म 28 नवंबर ले 4 दिसंबर तक पुरूष नसबंधी पखवाड़ा, कलेक्टर हरियर झंडा देखा के रवाना करिस प्रचार रथ

अंजोर.मुंगेली। मुंगेली म 28 नवंबर ले 4 दिसंबर तक पुरूष नसबंधी पखवाड़ा मनाये जाही। ये संबंध म लोगन ल एकर बारे म आरो कराये खातिर प्रचार-प्रसार तको करे जावत हाबे। इही ओढ़र म आज एक ठी प्रचार गाड़ी ल जिला कलेक्टर ह हरियर झंडी देखाके रवाना करिन। परिवार नियोजन म पुरूष के साझेदारी ले जीवन म लानव स्वा स्य्के  अउ खुशहाली के संदेश देवत ये गाड़ी ह गांव-गांव म जाके लोगन ल जगाही। जानबा होवय के जिला मुंगेली म 21 नवंबर ले 27 नवंबर तक दंपत्ति संपर्क पखवाड़ा के आयोजन करे गे रिहिस। अब जिला स्वास्थ्य समिति अउ राष्ट्रीय स्वास्थ्य मिशन मुंगेली म पुरूष नसबंधी पखवाड़ा मनाये जावत हाबे।