अंजोर.रायपुर। कांग्रेस के बड़का नेता अउ कोषाध्यक्ष अहमद पटेल अब ए दुनिया म नइ रिहिन। उंकर निधन म दुख व्यक्त करत देश के प्रधानमंत्री श्री मोदी अउ श्रीमती सोनिया गांधी संग अऊ आन नेता मन श्रद्धांजलि दे हावय। कांग्रेस पार्टी कोति ले ओमन गुजरात ले तीन पइत सांसद बनिस अउ अभी तको ओमन राज्यसभा के सदस्य रिहिन।
श्री पटेल के निधन म छत्तीसगढ़ प्रदेश कांग्रेस कार्यालय राजीव भवन म तको श्रद्धांजलि सभा के आयोजन करे गिस। जेमा प्रदेश कांग्रेस अध्य़क्ष मोहन मरकाम, वरिष्ठ विधायक सत्यनारायण शर्मा सहित आन कार्यकर्ता मन उंकर आत्मा के शांति खातिर भगवान ले प्रार्थना करत छायाचित्र म पुष्प अर्पित करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।