ई श्रेणी पंजीयन प्रणाली ले अब सबो निर्माण विभाग, निकाय, मण्डल अउ बोर्ड म युवा मनला मिलही बेरोजगार

अंजोर.रायपुर। छत्तीसगढ़ के बेरोजगार युवा मनला स्वरोजगार ले जोड़े खातिर मुख्यमंत्री भूपेश बघेल एक बड़का फैसला लेवत राज्य सरकार कोति ले लोक निर्माण विभाग म लागू करे 'ई' श्रेणी पंजीयन प्रणाली ल अब राज्य शासन के सबो निर्माण विभाग, निकाय, मण्डल अउ बोर्ड उक म तको लागू करे के निर्देश दे हावय। मिले आरो के मुताबिक 'ई' श्रेणी पंजीयन के माध्यम ले स्थानीय बेरोजगार युवक मनला स्वरोजगार उपलब्ध कराये खातिर 20 लाख रूपिया तक के लागत के एकल कार्य ब्लाक स्तर म सीमित निविदा के माध्यम ले प्रदाय करे के प्रावधान करे गे हावय। 

लोक निर्माण विभाग कोति ले निर्माण कार्य के अनुबंध म 20 लाख रूपिया के ले अधिक लागत के कार्य म डिप्लोमा इंजीनियर अउ एक करोड़ ले जादा के कार्य म स्नातक इंजीनियर नियुक्ति करे के प्रावधान अनिवार्य करे गे हावय। डिप्लोमा इंजीनियर ल 15 हजार रूपिया प्रति माह अउ स्नातक इंजीनियर ल 25 हजार न्यूनतम प्रति माह भुगतान के तको प्रावधान हावय। निविदा अनुबंध म इंजीनियर के नियुक्ति के अनिवार्यता करे ले बड़ संख्या म बेरोजगार इंजीनियर ल रोजगार मिलही। मुख्यमंत्री ह येकर बर प्रदेश के मुख्य सचिव ल निर्देशित करे हावय के लोक निर्माण विभाग के उक्त दू निर्णय के सबो निर्माण विभाग, निकाय, मण्डल, बोर्ड उक म तको पालन अनिवार्य रूप ले करे खातिर निर्देश जारी करे जाए ताकि प्रदेश के जादा ले जादा युवक मनला येकर लाभ मिल सकय।