Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

छत्तीसगढ़ी राजभासा दिवस म होही वर्चुअल गोष्ठी, सीएम बघेल राजभाषा के सवंर्धन, संरक्षण म योगदान देवइया मनके करही सम्मान


अंजोर.रायपुर। छत्तीसगढ़ी राजभासा दिवस के मउका म एसो प्रदेश के मुखिया भूपेश बघेल ह वर्चुअल रूप म राजभासा आयोग के कार्यक्रम म सामिल होही। 28 नवंबर के ही छत्तीसगढ़ी ल राजभासा के रूप म स्वीकारे गे रिहिस। ये दिन प्रदेश के साहित्यकार मन अपन-अपन कोति ले अनेक आयोजन करथे। इही कड़ी म छत्तीसगढ़ सरकार के छत्तीसगढ़ राजभासा आयोग तको पाछु कुछ बछर ले बड़का जलसा के आयोजन करथे। एजेंसी ले मिले आरो के मुताबिक एसो मुख्यमंत्री ह महंत घासीदास स्मारक संग्रहालय के सभागार म 11:30 बजे आयोजित गोष्ठी के अपन निवास कार्यालय ले वर्चुअल रूप म शुभारंभ करही। ये मउका म श्री बघेल ह छत्तीसगढ़ी राजभाषा के प्रचार-प्रसार, साहित्य सृजन अउ संवर्धन म महत्वपूर्ण योगदान खातिर प्रदेश के 11 विभूति मनके सम्मान तको करही।

संस्कृति मंत्री अमरजीत भगत के पहुनाई म मुख्यमंत्री श्री बघेल ह श्री नंदकिशोर शुक्ला बिलासपुर, श्री वैभव पाण्डेय बेमेतरिहा, रायपुर, डॉ. चितरंजन कर रायपुर, श्री मुकुंद कौशल दुर्ग, डॉ. परदेशीराम वर्मा भिलाई, श्री रामेश्वर वैष्णव रायपुर, श्री संजीव तिवारी भिलाई, व्याख्यता, श्री संजीव तिवारी दुर्ग अधिवक्ता, डॉ. राजन यादव खैरागढ़, श्री देवेश तिवारी रायपुर अउ सुश्री सुधा वर्मा रायपुर के सम्मान करही। कार्यक्रम म आगू महंत घासीदास स्मारक संग्रहालय सभागार म आयोजित गोष्ठी म डॉ. परदेशीराम वर्मा, वैभव पाण्डेय बेमेतरिहा, संजीव तिवारी, डॉ. चितरंजन कर अउ नंदकिशोर शुक्ला अपन विचार रखही।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285