कोनो पीड़ित महिला के संग नइ होवय अन्याय : डॉ. किरणमयी नायक

अंजोर.अम्बिकापुर। छत्तीसगढ़ राज्य महिला आयोग के अध्यक्ष डॉ. किरणमयी नायक आज सरगुजा, बलरामपुर-रामानुजगंज जिला के महिला उत्पीड़न ले जुरे प्रकरण के जन सुनवाई करिन। जिला पंचायत सभाकक्ष म कुल 14 प्रकरण के सुनवाई करिन जेमा 3 मामला म एफआईआर अउ एक मामला दहेज प्रताड़ना के रिहिस। अइसने एक मामला धोखाधड़ी के रिहिस जेमा एक छात्रा ल बीएएमएस (नीट) मेडिकल कॉलेज म प्रवेश दिलाये के नाम म दो झन ह 1 लाख 75 हजार रूपिया के ठगी करे रिहिन। मामला म त्वरित कार्यवाही करत हुए धोखाधडी के दोनो आरोपी ऊपर मामला दर्ज करे के निर्देश दिस अउ ओमन ल पुलिस कस्टडी म सौंपे गिस।

एक प्रकरण ल फेर सुनवाई खातिर सूरजपुर अउ एक प्रकरण ल रायपुर स्थानांतरित करे गिस। तीन मामला ल नस्तीवद्ध करे गिस। अऊ आज 4 महिला मनके महिला आयोग के समक्ष अपन शिकायत दर्ज कराइन। माईक्रोफाईनेंस कम्पनी ले लोन पीड़ित लगभग 50 ले आगर महिला मन अध्यक्ष ले शिकायत करिन के एजेण्ट के माध्यम ले अलग-अलग गाव म जाके गलत समझाईश देके छलपूर्वक एक ही समय म 3-4 बैंक ले लोन फाईनेंस कराये गिस। फाईनेंस होए के बाद दलाल मन ये महिला मनला 3-4 हजार देके सबो पइसा ल निकलवा लिस अउ स्वयं किश्त पटाये के भरोसा देवाइस। अब बैंक अधिकारी लोन वापसी खातिर सबो महिला मनला परेशान करत हाबे अउ दबाव पूर्वक पइसा वसूले के कार्यवाही करत हाबे। ये मउका म छत्तीसगढ़ राज्य महिला आयोग के अध्यक्ष डॉ. किरणमयी नायक किहिन के कोनो भी पीडि़ता संग अन्यााय नइ होवय।