बिलासपुर पुलिस अधीक्षक ह गुण्डा बदमाश मनके पुलिस कंट्रोल रूम म लगवाइस हाजिरी

अंजोर.बिलासपुर। नगर म बाढ़त अपराध के रोकथाम अउ अपराधी मनके चिनहारी खातिर बिलासपुर पुलिस अधीक्षक प्रशांत अग्रवाल ह गुण्डा बदमाश मनके पुलिस कंट्रोल रूम म हाज़िरी लीस। मिले आरो के मुता‍बिक 2019-20 म कुल 38 लोगन गुंडा सूची म हावय जेमा के 25 हाजिर होइस अउ बाकि 13 जेल म निरुद्ध हावय।

आदतन अपराधी मनके आपराधिक गतिविधी म अवइया बेरा म नजर राखे खातिर ये जरूरी होथे के गुण्डा सूची के आदतन लोगन के बारे म दूसर क्षेत्र के पुलिसकर्मी ल तको जानकारी होवय। अइसे नइ करे ले अपराधी मन म कोनो दबाव नइ राहय अउ ओमन आन कोति जाके अपराध करथे। येकर उद्देश्य उंकर आपराधिक गतिविधी म लगाम अउ उंकर ख़िलाफ़ अलग प्रतिबंधात्मक कार्यवाही करे के संग एक दूसर के क्षेत्र के सूचीबद्ध लोगन ल पुलिस अधिकारी कर्मचारी ल चिनहारी कराना तको हावय।