46 पेटी दारू संग स्कार्पियो अउ आरोपी पुलिस के हिरासत म

अंजोर.सिमगा,08। अवैध दारू के परिवहन म सिमगा पुलिस के हाथ 46 पेटी गोल्डनन गोवा विस्की लगे हावय। एजेंसी के मुताबिक आरोपी मन स्कार्पियो म बेमेतरा ले सिमगा लानत रि‍हिन। मुखबीर के आरो म पुलिस शेर ए पंजाब ढाबा मेर गाड़ी के जांच करिस तव स्कार्पियो ले एक आरोपी भागगे, वाहन चालक पकड़ाये हाबे। पुलिस कोति ले मिले आरो के मुताबिक आरोपी स्कार्पियो चालक देवेन्द्र जांगड़े पिता बाबूलाल जांगड़े सुपेला भिलाई निवासी ल आबकारी एक्ट के धारा 34(02), 36 के तहत गिरफ्तार करके मामला ल विवेचना म ले हावय।