Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

बस्तर दशहरा बर सांसद, कमिश्नर, आईजी अउ कलेक्टर मन करिन बइठका, आयोजन म कमती आदमी सकेले के होइस गुनान


अंजोर.जगदलपुर,08। बस्तर सांसद अउ बस्तर दशहरा उत्सव समिति अध्यक्ष दीपक बैज, कमिश्नर अमृत खलखो अउ आईजी पी. सुन्दरराज मन ह बस्तर दशहरा 2020 के सफल आयोजन अउ दशहरा म कोरोना संक्रमण के बचाव, नियंत्रण खातिर जरूरी तइयारी के संबंध म वीडियों कांफ्रेंसिंग के माध्यम ले बस्तर संभाग के सातों जिला कलेक्टर अउ पुलिस अधीक्षक के समीक्षा बइठक होइस।

ये मउका म सांसद श्री बैज किहिन के बस्तर दशहरा संभाग के ये महत्वपूर्ण त्यौहार आए, देवी-देवता, आँगा-छत्र सहित माँझी, चालकी, सेवक के बहुतायत आगमन जगदलपुर म होथे। फेर एसो कोरोना के सेती संख्या ल नियंत्रित करना हावय। कोविड-19 के संक्रमण काल म सबो के सहयोग जरूरी हावय। दशहरा म व्यक्ति कोरोना प्रभावित होके घर वापस झिन जाए, येकर बर हम सबला प्रयास कराना हाबे। समाज के प्रतिनिधी, परगना के माँझी-चालकी संग गोठबात करे जाए। 

कमिश्नर श्री खलखो अउ आईजी श्री सुंदरराज ह तको कम से कम आदमी के संग देवी देवता, आँगा, छत्र आए के व्यवस्था करे के सम्बंध म चरचा करिन। बइठका म सातों जिला कलेक्टर अउ पुलिस अधीक्षक मनला बस्तर कलेक्टर रजत बंसल ह बस्तर दशहरा म भीड़ ल नियंत्रित करे खातिर बस्तर दशहरा उत्सव समिति कोति ले लिये निर्णय ले आरो कराइन।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285