गोधन न्याय योजना के छठवीं किश्त जारी, रायगढ़ के ननसिया ग्राम के स्व-सहायता समूह ले गोठबात करिस श्री बघेल

अंजोर
0

अंजोर.रायगढ़,21। मुख्यमंत्री श्री बघेल ह अपन निवास कार्यालय म आयोजित कार्यक्रम म गोधन न्याय योजना के छठवीं किश्त पशुपालक मनके खाता म हस्तांतरित करिन। छठवीं किश्त के रूप म 01 ले 15 अक्टूबर तक जिला के 16535 पशुपालक ले खरीदे 40950.79 क्विंटल बर 81 लाख 90 हजार के भुगतान करे गिस। ये मउका म ओमन किहिन के योजना के छठवीं किश्त आज देवत बड़ खुशी होवत हाबे। जेमा न सिरिफ पशुपालक बल्कि गांववाले मन तको रोजगार के उदिम करत ग्रामीण अर्थव्यवस्था के उन्नति खातिर जबर बुता बनत हाबे। आगू कार्यक्रम म मुख्यमंत्री ह रायगढ़ विकासखण्ड के ननसिया गांव के गौठान म वर्मी कम्पोस्ट बनावत वैभव लक्ष्मी महिला स्व-सहायता समूह के सदस्य मनले गोठबात करिन।

ओमन समूह के महिला मनले गोबर के मात्रा अउ वर्मी कम्पोस्ट के बारे म जानकारी लीस। जेमा समूह कोति ले श्रीमती कीर्ति पटेल ह बताइन के गौठान म 1732 क्विंटल गोबर के खरीदी करे गे हाबे अउ गौठान के 20 वर्मी टांका म कम्पोस्ट तैयार करे जावत हाबे। वर्मी कम्पोस्ट के पहली खेप तैयार होगे हाबे जेकर पैकेजिंग होगे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !