Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

रबी फसल खातिर जिला के सबो बांध म भरपूर पानी, तीन हजार हेक्टेयर ले आगर के रकबा ल मिलही पानी


अंजोर.धमतरी,07। एसो बने पानी गिरे के सेती जिला के सबो बांध म भरपूर पानी भराये हाबे। इही पाके किसान मनला ये साल अउ जादा रकबा म रबी फसल लगाये खातिर पानी मिलही। जिला स्तरीय जल उपयोगिता समिति के बइठक सिहावा विधायक श्रीमती लक्ष्मी ध्रुव, धमतरी विधायक श्रीमती रंजना साहू के उपस्थिति म कलेक्टर जयप्रकाश मौर्य कोति ले लिये गिस। जिहां अवइया रबी फसल अउ निस्तारी खातिर जिला के जलाशय ले पानी छोड़े के संबंध म चर्चा करत अनुमोदन करे गिस। ये मउका म कार्यपालन अभियंता जलप्रबंध संभाग रूद्री बताइन के रबी फसल खातिर जिला के सबो बांध म पर्याप्त मात्रा म जल के भण्डारण हावय अउ गत वर्ष के तुलना म ये साल लगभग तीन हजार हेक्टेयर ले आगर रकबा म सिंचाई बर पानी छोडे के लक्ष्य रखे गे हावय।

मिले आरो के मुताबिक जलाशय मन म 1364.43 मिलियन घनमीटर के विरूद्ध कुल 1134.03 मिलियन घनमीटर पानी उपलब्ध हावय, जेमा रविशंकर सागर जलाशय म 707, मुरूमसिल्ली जलाशय म 146.28 अउ दुधावा जलाशय म 280.26 घनमीटर उपयोगी जल हावय। ओमन आगू बताइन के 448 मिलियन घनमीटर पानी आरक्षित रखे गे हावय, जेमा भिलाई इस्पात संयंत्र अउ पॉवर प्लांट, भिलाई भिलाई नगर निगम पेयजल खातिर 108 घनमीटर, निस्तारी खातिर 85 घन मीटर नगर निगम रायपुर म पेयजल खातिर 61 सहित अलग-अलग प्रयोजन खातिर पानी आरक्षित रखे गे हावय।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285