छत्तीसगढ़ राज्य अलंकरण पुरस्कार खातिर आवेदन आमंत्रित

अंजोर.रायपुर,08। छत्तीसगढ़ राज्य स्थापना के बाद ले ही हरेक बछर राज्य म अनेक बड़का विभूति मनके नाव  म1 नवंबर के सम्मान पाती दिये जाथे। मिले आरो के मुताबिक एसो घलोक आवेदन के प्रक्रिया सुरू होगे हावय। सम्मान खातिर योग्यताधारी मन अपन-अपन जिला या संबंधित विभाग म करार दिन तक जमा कर सकथे। एजेंसी ले मिल आरो के मुताबिक जिला बेमेतरा म राज्य अलंकरण खातिर आवेदक मन कलेक्टरेट कार्यालय म 15 अक्टूबर तक जमा कर सकत हाबे। उहां ले 20 अक्टूबर तक सामान्य प्रसाशन विभाग ले भेजे जाही। 

जानबा होवय के छत्तीसगढ़ राज्य अलंकरण पुरस्कार आने-आने क्षेत्र म जबर बुता करइया मनला प्रदान करे जाथे जेमा 2 लाख रूपिया के राशि अउ स्मृति चिन्ह दे जाथे। ये सम्मान ल छत्तीसगढ़ राज्य स्थापना दिवस जबर जलसा म 1 नवम्बर के प्रदान करे जाथे। छत्तीसगढ़ राज्यद अलंकरण म प्रमुख रूप ले यतियतन लाल सम्मान, दानवीर भामा साह सम्मान, महाराज अग्रसेन पुरस्कार, पं. माधव राव सप्रे सम्मान, गुण्डाधुर सम्मान, मिनीमाता सम्मान, गुरु घासीदास सम्मान, पंडित रविशंकर शुक्ल सम्मान, पंडित सुन्दर लाल शर्मा सम्मान, चक्रधर सम्मान, दाऊ मंदराजी सम्मान, डॉ खूबचंद बघेल, चंदूलाल चंद्राकर सम्मान, ठाकुर प्यारेलाल सिंह सम्मान, हाजी हसन अली सम्मान, प्रवीर चंद्र भंजदेव सम्मान, मधुकर खेर स्मृति पत्रकारिता सम्मान, धन्वंतरि सम्मान, बिलासा बाई केवटिन सम्मान, संस्कृत भाषा सम्मान, लखन लाल मिश्र सम्मान, महाराजा रामानुज प्रताप सिंहदेव सम्माईन आदि हवय।