अंजोर.रायपुर,07। छत्तीसगढ़ म कोरोना संक्रमित मरीज तेजी ले स्वस्थ होवत हावय। राज्य शासन कोति ले संचालित कोविड अस्पताल, कोविड केयर सेंटर्स, निजी अस्पताल अउ होम आइसोलेशन म इलाज के बाद स्वस्थ होवइया मरीज मनके संख्या एक लाख ले आगर होगे हावय। प्रदेश म अब तक एक लाख 551 मरीज कोरोना बने होगे हावय। येमा आने-आने अस्पताल अउ कोविड केयर सेंटर्स म ठीक होए 57 हजार 998, होम आइसोलेशन म उपचार के बाद स्वस्थ होए 42 हजार 553 मरीज तको शामिल हावय। कोरोना के जंग जीतइया मरीज मनके संख्या तेजी ले बढ़े के सेती अब प्रदेश के रिकवरी दर 78 प्रतिशत होगे हावय। उहे मृत्यु दर 0.86 प्रतिशत हावय। कोविड-19 ले होवइया मउत के राष्ट्रीय औसत 1.55 प्रतिशत अउ रिकवरी दर 85 प्रतिशत हावय।
जिलावार देखव कहा कतका मरीज बने होए हाबे-
प्रदेश म सर्वाधिक रायपुर जिला म 25 हजार 853 मरीज कोरोना ले बने होए हाबे। दुर्ग म दस हजार 199, बिलासपुर म 7673, राजनांदगांव म 7152, रायगढ़ म 6213, जांजगीर-चांपा म 4328, बलौदाबाजार-भाटापारा म 3221, बस्तर म 2743, कोरबा म 2688, धमतरी म 2545, सरगुजा म 2240, महासमुंद म 2196, दंतेवाड़ा म 2150, बालोद म 2109 अउ कबीरधाम म 2057 मरीज कोरोना ले स्वस्थ होगे हावय।
अइसने कांकेर जिला म 1823, बीजापुर म 1758, सुकमा म 1619, सूरजपुर म 1555, कोरिया म 1444, गरियाबंद म 1421, मुंगेली म 1376, बेमेतरा म 1368, कोंडागांव म 1231, नारायणपुर म 1226, जशपुर म 971, बलरामपुर-रामानुजगंज म 949 अउ गोरेला-पेंड्रा-मरवाही म 302 लोगन कोरोना ले बने होगे हावय। प्रदेश म वर्तमान म सक्रिय मरीज के संख्या 27 हजार 238 हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।