अंजोर.रायपुर,13। आदिवासी विकास विभाग रायपुर के सहायक आयुक्त कोति ले मिले आरो के मुताबिक वर्ष 2020-21 म अल्पसंख्यक छात्रवृत्ति बर आनलाईन एन.एस.पी पोर्टल सुरू होगे हावय अउ अल्प संख्यक के एन.एस.पी पोर्टल म स्कूल, कॉलेज के छात्रवृत्ति बर आनलाइन आवेदन करे के अंतिम तिथि 31 अक्टूबर तक निर्धारित करे हावय। भारत सरकार अल्प संख्यक मंत्रालय कोति ले कक्षा पहली ले महाविद्यलयीन स्तर तक मुस्लिम, इसाई, सिक्ख, बौद्ध, जैन अउ पारसी समुदाय के नियमित अध्ययनरत विद्यार्थी मनले अल्पसंख्यक प्री. मैट्रिक, पोस्ट मैट्रिक, मेरिट-कम-मीन्स के अंतर्गत नवा अउ नवीनीकरण विद्यार्थी ले ऑनलाईन आवेदन नेशनल स्कॉलरशिप पोर्टल www.scholarship.gov.in म आमंत्रित करे हावय।
ओमन आगू आरो करे हावय के जेन संस्था मन अभी तक अपन आनॅलाईन छात्रवृत्ति स्वीकृति बर आई.डी. अउ पासवर्ड जनरेट नइ करवाये हावय। ओमन जिला कार्यालय रायपुर के स्कालरशिप शाखा म आके अपन संस्था के रजिस्ट्रेशन करवाना सुनिश्चित करय। निर्धारित तिथि के बाद कोनो भी संस्था के ऑनलाईन रजिस्टेशन एन.एस.पी. पोर्टल म नइ हो पावेय। यदि संस्था रजिस्टर्ड नइ होही तव संस्था के छात्र-छात्रा अल्पसंख्यक छात्रवृत्ति ले वंचित हो जाही, जेकर पूरा जिम्मेदारी संस्था प्रमुख के होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।