नगर पंचायत अम्बागढ़ चौकी म नवा शासकीय उचित मूल्य दुकान आबंटन खातिर 30 सितम्बर तक आवेदन

राजनांदगांव.05। कार्यालय अनुविभागीय अधिकारी राजस्व मोहला डहर ले नगर पंचायत अम्बागढ़ चौकी के तीन नवा शासकीय उचित मूल्य दुकान के आबंटन खातिर 30 सितम्बर 2020 तक आवेदन आमंत्रित करे गे हावय। नवा शासकीय उचित मूल्य दुकान संचालित करे खातिर इच्छुक अउ पात्र नगर पंचायत अम्बागढ़़ चौकी के अंतर्गत वृहत्ताकार आदिम जाति बहुउद्देशीय सहकारी समिति (लेम्पस), प्राथमिक कृषि साख समिति, वन सुरक्षा समिति, महिला स्व सहायता समूह अउ आन उपभोक्ता सहकारी समिति निर्धारित तिथि तक कार्यालय अनुविभागीय अधिकारी राजस्व मोहला म आवेदन प्रस्तुत कर सकत हावय। 

शासकीय उचित मूल्य दुकान आबंटन के प्रक्रिया छत्तीसगढ़ सार्वजनिक वितरण प्रणाली (नियंत्रण) आदेश 2016 के तहत करे जाही। ये संबंध म विस्तृत जानकारी खाद्य विभाग के वेबसाईट www.khadya.cg.nic.in अउ कार्यालय अनुविभागीय अधिकारी राजस्व मोहला के सूचना पटल ले तको मिल जाही।