मुख्यमंत्री श्री बघेल वीडियो कांफ्रेंसिग ले करही प्रदेश म कोरोना संक्रमण के बचाव अउ उपचार के जिलावार समीक्षा

रायपुर.05। छत्तीसगढ़ म तको अब दिनो-दिन कोरोना के संक्रमण बाढ़त हावय। रोज हजार ले आगर संक्रमित मनके चिनहारी होवत हावय। कहू-कहू ले तो अस्पताल म ठउर नी मिले के तको जानकारी आथे। ये मउका म आरो मिले हावय के प्रदेश मुख्यमंत्री श्री भूपेश बघेल ह अपन निवास कार्यालय ले काली मंझन के एक बजे कोरोना संक्रमण के बचाव अउ उपचार के समीक्षा बइठका करही। 

वीडियो कांफ्रेंसिंग के माध्यम ले कमिश्नर, कलेक्टर, आईजी, जिला पंचायत के सीईओ, नगर निगम के आयुक्त अउ  मुख्य स्वास्थ्य चिकित्सा अधिकारी मनके आयोजित बइठका म जिलावार अस्पताल, कोविड सेंटर अउ आइसोलेशन केंद्र म उपलब्ध अउ ओक्यूपाइड बिस्तर के संख्या, सिंप्टोमेटिक अउ एसिंप्टोमेटिक मरीज के संख्या, जिलावार प्रतिदिन औसत टेस्ट क्षमता, जांच रिपोर्ट म लगत समय, रैपिड टेस्ट अउ आर टी पी सी आर टेस्ट के संख्या, पाछू 7 दिन के दैनिक विवरण, दूनों प्रकार के टेस्ट के परिणाम, ऑक्सीमीटर के उपलब्धता, आवश्यक दवा के उपलब्धता, आईसीयू अउ वेंटिलेटर के उपलब्धता, कंट्रोल रूम अउ हेल्पलाइन के कार्यप्रणाली के प्रमुख रूप ले समीक्षा करही।