लड़की मनला गंदा-गंदा मैसेज भेजइया बदमाश ल पकडि़स मस्तुरी पुलिस, मोबाइल अउ सिम तको जप्त

अंजोर.बिलासपुर,23। मस्तुरी क्षेत्र म सरलग पुलिस ल शिकायत मिलत रिहिसे के मंचलहा टूरा मन ह लड़की मनला फोन अउ मैसेज करके परेशान करथे। ये मामला म आज मस्तुरी पुलिस ह अइसने एक बदमाश ल धर दबोचे हाबे। ये आरोपी ह लड़की मनला फोन करके मिले बर बलावय, गंदा-गंदा मैसेज करे अउ अश्लील फोटो के मांग तको करय। बदमाश अतका शातिर रिहिसे के पुलिस के पकड़ ल बांचे खातिर नवा नवा नंबर के उपयोग करय अउ व्हाट्सएप एक्टिव करके ओला बंद कर देवय। अब कुल 07 लड़की मनला अश्लील मैसेज भेजे हाबे। पुलिस ह आरोपी के मोबाइल अउ सिम ल तको जप्त करके आगू के कार्यवाही करत हाबे।