2 अक्टूबर गांधी जयंती के मउका म हार्टिकल्चर यूनिवर्सिटी के भूमिपूजन करही प्रदेश के मुख्यमंत्री श्री बघेल

अंजोर
0

अंजोर,दुर्ग,28। गांधी जयंती के मउका म मुख्यमंत्री भूपेश बघेल ह दुर्ग जिला म 253 करोड़ 61 लाख रूपिया के 39 निर्माण कार्य के भूमिपूजन अउ लोकार्पण करही। जेमा उद्यानिकी अउ वानिकी विश्वविद्यालय, सांकरा पाटन के भूमिपूजन तको सामिल हावय। 55 करोड़ रूपिया के लागत ले बनइया ये यूनिवर्सिटी के नाम महात्मा गांधी जी के नाव म रखे के तको आरो मिले हाबे। ये यूनिवर्सिटी के माध्यम ले उद्यानिकी के क्षेत्र म संभावना खुलही। समाचार एजेंसी के मुताबिक ये कायक्रम म श्री बघेल ह वीडियो कांफ्रेंसिंग के माध्यम ले जुड़ही। ये संबंध म जिला कलेक्टर डॉ. सर्वेश्वर भुरे ह कार्यक्रम के व्यवस्था म लगे अधिकारी मनके बइठका तको रखे रिहिन हाबे।

श्री बघेल ह पाटन ब्लाक मुख्यालय म शासकीय अधिकारी कर्मचारी मनके आवास भवन के लोकार्पण करही। जेन 5 करोड़ 48 लाख रूपिया के लागत ले बने हावय। अइसने खारुन नदी म बने उफरा ले रवेली पुल, खम्हरिया नाला म पुल के निर्माण के भूमिपूजन अउ सहकारी बैंक झीट शाखा के भूमिपूजन तको होही। येकर अलावा ठगड़ा बांध सौदर्यीकरण, मिनी माता चउक सौंदर्यीकरण, पुलगांव नाका ले अंजोरा तक फोरलेन के संग भिलाई नगर म तको गजब अकन बुता के भूमिपूजन करही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !