रायपुर.07। मुख्यमंत्री श्री भूपेश बघेल के निर्देश म तुरते कार्यवाही करत स्वास्थ्य विभाग ह नागरिक मनला कोविड-19 के इलाज खातिर अस्पताल अउ कोविड केयर सेंटर्स म खाली बिस्तर के संख्या के जानकारी दे खातिर वेब पोर्टल तैयार करे हाबे। ये पोर्टल म खाली बिस्तर के संख्या के संग कोरोना संक्रमण के लाक्षणिक, अलाक्षणिक अउ हल्का लक्षण वाले मरीज मन खातिर कई उपयोगी जानकारी उपलब्ध कराये गे हावय।
कोविड-19 के लक्षण वाले मरीज मन खातिर शासकीय अस्पताल अउ कोविड केयर सेंटर्स के संग निजी अस्पताल अउ आइसोलेशन सेंटर्स म तको खाली बिस्तर के संख्या पोर्टल म दिखही। वेब पोर्टल https://hospital.cgcovid19.in के माध्यम ले कोनो भी नागरिक जानकारी प्राप्त कर सकही। कोविड-19 के उपचार खातिर रायपुर जिल म मौजूद सुविधा के जानकारी के संग आज ले ये पोर्टल शुरू होगे, आगू येमा सबो जिला म उपलब्ध सुविधा मनके जानकारी अपलोड करे जाही।
शासकीय सुविधा संग पोर्टल म कोरोना संक्रमण के इलाज करत रहे निजी अस्पताल के नाम अउ संपर्क नंबर, निःशुल्क अउ सशुल्क आइसोलेशन सुविधा, होम अउ होटल आइसोलेशन सुविधा अउ होम आइसोलेशन खातिर निजी डॉक्टर के नाम अउ मोबाइल नंबर तको रइही। होम आइसोलेशन बर मरीज मन डहर ले दिए जाने वाला अंडरटेकिंग प्रपत्र अउ स्वपरीक्षण प्रपत्र तको पोर्टल म अपलोड करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।