कोरोना संक्रमण के बीच छत्तीसगढ़ म खुलगे आंगनबाड़ी केन्द्र, लइका अउ गर्भवती मन बरत हाबे गरम भोजन

रायपुर.07। एक डहर तो कोरोना राई के सेती बड़का अफसर मन दफ्तर म तारा लगाके घर म खुसरे हाबे अउ दूसर कोति गांव के नान्हे लइका अउ महतारी मनके गरम भोजन के जोखा करे खातिर जीव होम के सेवा म लगे हावय आंगनबाड़ी कार्यकर्ता। इही ह मउका के जिम्मेरदारी आए, 5000 के नौकरी वाले मन फिल्ड म हावय अउ 50,000 के नौकरी वाले मन होम आइसोलेट। 

मिले आरो के मुताबिक 7 सितंबर ले आंगनबाड़ी केन्द्र के संचालन पालक, पंचायत अउ नगरीय निकाय के प्रतिनिधी मनले चर्चा के बार करे गे हावय। आंगनबाड़ी म गर्भवती, एनिमिक महिला अउ 3 से 6 साल के आयु के बच्चा मनला गरम भोजन खिलाये जाथे। शासन के निर्देशानुसार कोरोना संक्रमण के बचाव खातिर आवश्यक प्रबंध करत, स्थानीय प्रशासन के निर्णय के अनुसार कोविद-19 के संक्रमण ल देखत कंटेंटमेंट जोन अउ असहमति वाले केंद्र ल बंद रखे गे हावय।