मुख्यमंत्री श्री बघेल केन्द्रीय उड्डयन मंत्री ल लिखिस चिट्ठी : बिलासपुर ल दिल्ली, मुम्बई, कोलकता हवाई रूट ले जोड़े के करिन आग्रह

अंजोर.रायपुर,22। मुख्यमंत्री भूपेश बघेल ह केन्द्रीय नागरिक उड्यन राज्यमंत्री हरदीप सिंह पुरी ल हैदराबाद-जगदलपुर-रायपुर विमान सेवा सुरू करे अउ छत्तीसगढ़ के जगदलपुर ल महत्वपूर्ण सेन्टर के रूप म मान्य खातिर धन्यवाद ज्ञापित करे हावय। मुख्यमंत्री ह केन्द्रीय राज्य मंत्री श्री पुरी ल पठोय पाती म छत्तीसगढ़ के न्यायधानी अउ महत्वपूर्ण व्यावसायिक, औद्योगिक शहर बिलासपुर ल हवाई सेवा म देश के मेट्रोपोलियन सिटी दिल्ली, मुंबई, कोलकोता हवाई रूट ले जोड़े के आग्रह करे हावय। मेट्रोपोलियन सिटी ले हवाई सेवा के जोड़े ले रीजनल एयर कनेक्टिविटी बढ़ही अउ देश के अर्थव्यवस्था, व्यापार, व्यवसाय, पर्यटन स्वास्थ्य अउ सामाजिक-आर्थिक गतिविधल ल बढ़ावा मिलही।