प्राथमिक स्वास्थ्य केन्द्र म तको होही कोरोना सैम्पल कलेक्शन के बेवस्था : कलेक्टर श्री बंसल

अंजोर.बस्तर,22। प्रदेश म सरलग बाढ़त कोरोना के संक्रमण ल देखत कई बड़े शहर ल कंटेनमेंट जोन बनाके लॉकडाउन लगा दे गे हाबे। ऊहंचे सुदूर अंचल म कम मामला आगू आना थोकिन राहत के खबर आए, फेर संसो जबर हाबे काबर के ईलाज के जादा संसाधन नइये। अइसन म चेत करना घातेच जरूरी हावय। इही कड़ी म बस्तर कलेक्टर रजत बंसल ह कोरोना के रोकथाम खातिर डिमरापाल के स्व. बलीराम स्मृति चिकित्सा महाविद्यालय के सभाकक्ष म टास्क फोर्स के बइठका आयोजित करिन। जिला के बड़का अधिकारी अउ स्वास्थ्य विभाग टीम के उपस्थिति म ओमन किहिन के जादा ले जादा जांच म जोर दे जाना चाहिए। प्राथमिक स्वास्थ्य केन्द्र म तको होही अब सैम्पल कलेक्शन के बेवस्था।

कलेक्टर श्री रजत बंसल ने कोरोना की रोकथाम के लिए अधिक से अधिक टेस्टिंग पर जोर दिया। डिमरापाल स्थित स्व बलीराम स्मृति चिकित्सा महाविद्यालय के सभाकक्ष में आयोजित टास्क फोर्स की बैठक में कहा कि प्राथमिक स्वास्थ्य केन्द्रों में भी होगी सैम्पल कलेक्शन की व्यवस्था। pic.twitter.com/WWDKqWvARB

— Bastar (@BastarDistrict) September 22, 2020