मुख्यमंत्री भूपेश बघेल ह जनम दिन के मउका म नगर निगम रायपुर के अत्याधुनिक सुविधा वाला एम्बुलेंस के करिस लोकार्पण

रायपुर.23। मुख्यमंत्री भूपेश बघेल जी ह अपन जनम दिन के मउका म अत्याधुनिक सुविधा वाला एंबुलेंस ल हरियर झंडा देखाके लोकार्पण करिस। ओमन किहिन के अत्याधुनिक एम्बुलेंस कोरोना संकट के बखत म प्रदेशवासी मन खातिर बने हितकारी होही। जानबा होवय के रायपुर नगर निगम कोति ले एंबुलेंसल 16 लाख 25 हजार रुपिया के लगात ले खरीदे गे हावय। एम्बुलेंस अत्याधुनिक चिकित्सीय सुविधा, वातानुकूलित वेंटिलेटर, ऑटोमैटिक स्ट्रैचर अउ समय अनुसार बिस्तर हटाये के सुविधा हावय। बड़े होए के सेती गम्भीर अवस्था वाला मरीज के देखरेख खातिर परिजन मन तको एम्बुलेंस म जा सकत हाबे। ये मउका म कृषि मंत्री श्री रविन्द्र चौबे, उद्योग मंत्री श्री कवासी लखमा, छत्तीसगढ़ हाउसिंग बोर्ड के अध्यक्ष श्री कुलदीप जुनेजा, महापौर श्री एजाज ढेबर, सभापति श्री प्रमोद दुबे एवं जिला प्रशासन अउ नगर निगम के अधिकारी उपस्थित रिहिन।