भाटापारा.27। भाजपा के बड़का नेता अउ प्रवक्ता, विधायक भाटापारा शिवरतन शर्मा ल आज कोरोना रिपोर्ट निगेटिव आये बाद निजी अस्पताल ले छुट्टी मिलगे। जानबा होवय के पाछु दिन 15 अगस्त के बाद ले ओमन रायपुर के एक निजी अस्पताल म अपन इलाज करावत रिहिन हाबे।
अस्पताल ले छुट्टी के आरो देवत श्री शर्मा ह ट्वीट करे हाबे के मोर रिर्पोट निगेटिव आये हाबे, ईश्वर के धन्यवाद, मोर स्वास्थलाभ खातिर शुभकामना देवइया अउ डॉक्टर के टीम ल हिरदे ले आभार। आगू दस दिन ओमन डाक्टर मनके सलाह ले होम आइसोलेशन म रइही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।