छत्तीसगढ़ के प्रसिद्ध लोक गायिका पद्मश्री ममता चंद्राकर अउ प्रेम दाऊ के चैनल म बहुत जल्दी आही नवा सिरजन

अंजोर
0


सिनेमा.28। छत्तीसगढ़ के बड़का कलाकार पद्मश्री ममता चंद्राकर जी के गाये लोकगीत छत्तीसगढ़ी परंपरा अउ संस्कृति के जबर चिन्हारी आए। मंचीय प्रस्तुति के दौर ले लेके ऑडियो-वीडियों, फिचर फिलिम अऊ अब सोशल मीडिया के दौर म तको ओमन दखल राखथे। दाऊ प्रेम चंद्राकर जी के संयोजन म लोक सांस्कृतिक संस्था म तइहा ले अब तक के गाये सबो गाना अब उंकर यूट्यूब चैनल ‘चिन्हारी’ म अपलोड हवय।  

येकर अलावा नवा-नवा गीत के सिरजन होए के बाद इही चैनल म रिलीज तको होवत हाबे। दाऊ प्रेम चंद्राकर के चिन्हारी चैनल म 75 हजार ले आगर सब्सक्राइबर जुड़े हावय अउ 100 ले ऊपर वीडियो। जेमा लोक परब उत्सव के गीत, संस्कार के गीत अउ मनोरंजन गीत के सुघ्घर संकलन हावय।  

सोशल मीडिया ले अऊ आरो मिले हाबे के दाऊ प्रेम चंद्राकर अउ ममता चंद्राकर के बहुत जल्दी नवा सिरजन दर्शक मनके बीच अवइया हाबे। चिन्हारी चैनल म नवा गीत के अगोरा करत- लुगरा मंगायेंव, आमा पान के दोना, बाली उमर में, एक फुल टोरतेंव, बर तरी खड़े हे बरतिया, कहां रे हरदी, मधुरी मधुरी पग, तोला माटी कोड़े ल, पइंया पखारत बइंहा डोले, सुरहिन गइया के गोबर.... जइसन गीत के आनंद लेवत रहव।


 



एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !