लिंगेश्वरी माता मंदिर के कपाट नइ खुलय अब आम जनता खातिर, समिति करहीं पूजा पाठ, मेला तको नइ भरावे एसो

कोंडागांव.31। कोंडागांव के ग्राम आलोर के प्रसिद्ध लिंगेश्वरी माता मंदिर एसो श्रद्धालु मन बर नइ खुलय। हरेक साल इहां भादो के महीना लिंगेश्वरी माता के दर्शन खातिर जबर भीड़ उमड़ए।  मंदिर समिति कोति ले 02 सितंबर ले खोले के तको फइसला करे गे रिहिसे, फेर अब कोरोना संक्रमण ल देखत प्रशासन अउ मंदिर समिति ह 02 सितम्बर के सिरिफ मंदिर समिति ले ही पूजा अर्चना करे के जोंगे हावय। लिंगेश्वरी माता के दर्शन खातिर दुरिहा-दुरिहा ले अवइया भगत मनला अब मंदिर भितरी जाए के अनुमति नइये। मिले आरो के मुताबिक इहां साल म एक पइत लगइया भादो के मेला तको एसो नइ लगय।