सर्दी, खांसी, बुखार, सांस के तकलीफ अउ कोरोना के लक्षण वाले मनला 24 घंटा के भीतर सैंपल जांच के निर्देश : स्वास्थ्य सचिव

रायपुर.20। छत्तीसगढ़ स्वास्थ्य विभाग के सचिव श्रीमती निहारिका बारिक सिंह ह सर्दी, खांसी, बुखार, सांस ले म तकलीफ अउ कोरोना संक्रमण के लक्षण वाले मनला 24 घंटा के भीतर सैंपल जांच के निर्देश दे हाबे। ओमन कोविड-19 के संभावित मरीज के पहचान खातिर सबो जिला म सघन सक्रिय सर्विलेंस संचालित करे ल केहे हावय। श्रीमती सिंह ह सबो कलेक्टर मनला पत्र लिखकर ये संबंध म जरूरी निर्देश दे हाबे। स्वास्थ्य सचिव ह सबो कलेक्टर ल जारी अर्द्धशासकीय पत्र म कहे हावय के वर्तमान म कोविड-19 के प्रकरण के संख्या म बढ़ोतरी होए हावय। प्रदेश म गंभीर लक्षण के साथ कोविड-19 ले मउत के मामला बाढ़े हावय। ये स्थिति म चिकित्सकीय अध्ययन के बाद येकर नियंत्रण खातिर तुरते कदम उठाना जरूरी हावय।

स्वास्थ्य सचिव ह पत्र म केहे हावय के कोविड-19 पॉजिटिव पाए मरीज मनला बुखार, खांसी, सांस ले म तकलीफ होए के बाद गंभीर स्थिति म अस्पताल म भर्ती करे जावत हावय। येकर ले एक बाद साफ होवत हाबे के लोगन मनके पहचान देर ले होवत हावय। अधिकांश मरीज निजी अस्पताल म या जनरल प्रैक्टिशनर तीर अपना इलाज करावत हाबे। लक्षण होए के बाद भी कोरोना जांच नइ करावत हाबे। 

ओमन ये संबंध म सबो कलेक्टर ल जिला के इंडियन मेडिकल एशोसिएशन (IMA) कार्यकारिणी के साथ बैठक करके निजी चिकित्सालय अउ जनरल प्रैक्टिशनर्स करा अवइया सर्दी, जुकाम, खांसी, बुखार के मरीज (ILI), श्वसन के गंभीर बीमारी ले पीड़ित (SARI) अउ कोविड-19 के लक्षण वाले मरीज के 24 घंटा के भीतर कोरोना जांच करावे अउ सूचना जिला आईडीएसपी टीम ल देवय।