रायपुर.15। नवा रायपुर म बनइया छत्तीसगढ़ विधानसभा के नवा भवन के भूमिपूजन अउ शिलान्यास 28 अगस्त के होही। मुख्यमंत्री श्री भूपेश बघेल ह ये जलसा म सामिल होए खातिर कांग्रेस के बड़का नेता श्रीमती सोनिया गांधी अउ श्री राहुल गांधी ल नेवता पठोये हाबे। श्री बघेल ह पाती लिखके श्रीमती गांधी ल ये समारोह म मुख्य अतिथि के रुप म अउ श्री राहुल गांधी ल अतिविशिष्ट अतिथि के रुप म वीडियो कॉन्फ्रेंसिंग के जरिए सामिल होए के गेलौली करे हाबे।
समे के गोठ- जानबा होवय के 1 नवंबर 2000 के पृथक छत्तीसगढ़ निर्माण के बाद ले ही समे अउ परिस्थिति मुताबिक विधानसभा के कामकाज पहिली राजकुमार कॉलेज ओकर बाद जीरो पाइंट मोवा म अब नवा रायपुर के फेर एक अऊ नवा विधानसभा भवन बनाये जावत हाबे। सरकार ल येकर कतका जरूरत हावे येला तो उही जाने, फेर अब समे के गोठ किबे त इहां आम जनता कोरोना राई ले हलाकान हाबे अउ सरकार ल सर्व सुविधायुक्त विधानसभा भवन के परे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।