Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

ईद-उल-अजहा के मउका म छत्तीसगढ़ हज हाउस के शिलान्यास करिन सीएम बघेल, 26 करोड़ के लागत म 3 एकड़ म बनही

रायपुर.01। मुख्यमंत्री श्री भूपेश बघेल ह ईद-उल-अजहा के मउका म अपन निवास कार्यालय ले वीडियो कान्फ्रेंसिंग के जरिए छत्तीसगढ़ हज हाऊस के शिलान्यास करिस। हज हाऊस के निर्माण लगभग 26 करोड़ रूपिया के के लागत ले तीन एकड़ भूमि म करे जाही। पांच मंजिला ये भवन म हज यात्री मन खातिर सरी सुविधा होही। भवन के निर्माण मंदिर हसौद रोड एयरपोर्ट के पास नवा रायपुर अटल नगर म होही। 

ये मउका म मुख्यमंत्री श्री बघेल ह मुस्लिम समाज के लोगन मनला ईद-उल-अजहा के शुभकामना देवत किहिन के आज छत्तीसगढ़ के लोगन खातिर दोहरी खुशी के मौका हावय। पूरी दुनिया के साथ छत्तीसगढ़ म तको ईद के पर्व मनाये जात हावय अउ इही मउका म आज छत्तीसगढ़ हज हाउस के शिलान्यास होइसे। हर मुस्लिम खातिर हज यात्रा ह जीवन के अभूतपूर्व पल होथे। कोरोना के कारण एसो हज यात्रा प्रभावित होए हावय। ओमन आगू किहिन के केन्द्र सरकार ले मांग करबो के 2021 के हज यात्रा म पहिली ले चयनित छत्तीसगढ़ के हज यात्री मनला मउका देवय। 

मुख्यमंत्री निवास म स्कूल शिक्षा अउ अल्पसंख्यक कल्याण मंत्री डॉ. प्रेमसाय सिंह टेकाम, वन, परिवहन अउ आवास मंत्री मोहम्मद अकबर, हज कमेटी के चेयरमेन के मोहम्मद असलम खान के अलावा सलाम रिजवी, छत्तीसगढ़ राज्य पाठ्य-पुस्तक निगम के अध्यक्ष शैलेष नितिन त्रिवेदी, छत्तीसगढ़ राज्य खनिज विकास निगम के अध्यक्ष गिरीश देवांगन, छत्तीसगढ़ राज्य खाद्य, नागरिक आपूर्ति निगम के अध्यक्ष रामगोपाल अग्रवाल, राज्य अल्पसंख्यक आयोग के अध्यक्ष महेन्द्र छाबड़ा, छत्तीगढ़ खादी, ग्रामोद्योग बोर्ड के अध्यक्ष राजेन्द्र तिवारी, नगर निगम रायपुर के महापौर एजाज ढेबर जी संग मुस्लिम समाज के गणमान्य नागरिक मन उपस्थित रिहिन।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285