Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

6 नग देशी कट्टा अउ जिंदा कारतूस संग बिलासपुर पुलिस के हाथ लगिस उत्तरप्रदेश के पांच सहित छह आरोपी

बिलासपुर.01। अवैध हथियार धरके किंजरत उत्तरप्रदेश के छह आरोपी मन संग बिलासपुर के एक आदमी तिर ले 6 देशी कट्टा अउ जिंदा कारतूस पकड़ाये हाबे। मिले आरो के मुताबिक थाना सिटी कोतवाली बिलासपुर निरीक्षक ह बिना मास्क वाला मनके चेकिंग करत शनिचरी रफ्टा प्वाइंट म रिहिस। तभे शनिचरी रफ्टा को‍ति ले संदिग्ध आदमी दिखिस नाम पूछे म शैलेष कोहली पिता प्रभु दयाल कोहली निवासी बिशुनगढ़ जिला कन्नौज (उ.प्र.) बताइस। 

संदेह होए म तलाशी लेके बाद 01 नग देशी कट्टा अउ पेंट के जेब म एक नग कारतूस मिलिस। जेकर कोनो वैधानिक कागजात नइ देखाये म शैलेष कोहली ले अवैध कट्टे के संबंध म पूछताछ करे म बताइन के ओहा अऊ 04 नग देशी कट्टा 02 नग कारतूस कन्नौज ले लाने हाबे। जेमा ले 01 नग कट्टा राहुल कुमार, 01 नग कट्टा सुजीत कुमार शुक्ला, 01 नग कारतूस के साथ, 01 नग पिस्टल नुमा देशी कट्टा सुनील कमल, 01 नग पिस्टल नुमा देशी कट्टा 01 नग कारतूस के साथ लवकुश तिवारी, ल देना बताये हाबे। अतेक अकन देशी कट्टा के साथ आरोपी मनके पकड़ाना पुलिस बर बड़का सफलता आए। 

उत्तरप्रदेश ले देशी कट्टा आना अऊ कई वारदात म यूपी के गिरोह के हाथ होनो कही ल कही पुलिस के सघन जांच ले अब अइसन वारदात म कमी आही। सबो आरोपी मनके खिलाफ धारा 25 आर्म्स एक्ट के तहत दण्डनीय अपराध पंजीबध्द करके विवेचना म लिए गे हावय।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - प्रकाश मोबाईल सेंटर अमलीडीह (पानी टंकी के सामने), रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285