Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

बेमेतरा जिला के ग्राम-सिरवाबांध, सुरकी, कुरदा, लुक अउ बावनलाख कंटेनमेंट जोन घोषित

बेमेतरा.12। कलेक्टर अउ जिला दण्डाधिकारी कोति ले जारी आदेश के मुताबिक बेमेतरा जिला के ग्राम-सिरवाबांधा, सुरकी म कोरोना पॉजिटिव के केस पाए के कारण कोरोना वायरस के संक्रमण के फैलाव ल देखत ग्राम-सिरवाबांधा , सुरकी ल कन्टेनमेंट जोन घोषित करे गे हावय। ग्राम सिरवाबांधा , सुरकी के प्रभारी अधिकारी प्रभारी तहसीलदार बेमेतरा अजय चंद्रवंशी अउ पर्यवेक्षण अधिकारी अनुविभागीय दण्डाधिकारी बेमेतरा श्री जगन्नाथ वर्मा होही। 

अइसने तहसील थानखम्हरिया के ग्राम कुरदा मे कोरोना पॉजिटिव के केस पाए के कारण कन्टेनमेंट जोन घोषित करे गे हावय। ग्राम-कुरदा के प्रभारी अधिकारी प्रभारी तहसीलदार नीलम सिंह पिसदा अउ पर्यवेक्षण अधिकारी अनुविभागीय दण्डाधिकारी साजा आशुतोष चतुर्वेदी होही। अउ तहसील बेरला के ग्राम-बावनलाख म कोरोना पॉजिटिव के केस पाए के कारण कन्टेनमेंट जोन घोषित करे गे हावय। ग्राम-बावनलाख प्रभारी अधिकारी प्रभारी तहसीलदार सुश्री हीरा गर्वना अउ पर्यवेक्षण अधिकारी अनुविभागीय दण्डाधिकारी बेरला दुर्गेश कुमार वर्मा होही। 

तहसील साजा के ग्राम-लुक विकासखसण्ड साजा म 5 कोरोना पॉजिटिव के केस पाए के कारण कन्टेनमेंट जोन घोषित करे गे हावय। प्रभारी अधिकारी प्रभारी तहसीलदार तारसिंह खरे अउ पर्यवेक्षण अधिकारी अनुविभागीय दण्डाधिकारी साजा आशुतोष चतुर्वेदी होही।

कलेक्टर कोति ले जारी आदेश के अनुसार कन्टेनमेंट जोन म सबो दुकान बंद रइही। प्रभारी अधिकारी कन्टेनमेंट जोन म घर पहुंच सेवा के माध्यम ले जरूरी समान पठोही। सबो प्रकार के वाहन के आवागमन प्रतिबंध रइही। मेडिकल इमरजेंसी ल छोड़के आन कोनो भी कारण से घर ले बाहिर नइ निकलना हावय। कन्टेनमेंट जोन के निगरानी पुलिस पेट्रोलिंग टीम करही।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285