राहत साहब के मउत के आरो पाके शायरी के दुनिया सन्न रइही, कई मंच साझा करइया कवि, संगीतकार, नेता अउ लेखक मन ओकर शायरी ले ही उनला अपन श्रद्धांजलि दीस। कुमार विश्वास, जावेद अख्तर, गुलजार, अनुपम खेर, अनुराधा पौडवाल, भजन गायक अनूप जलोटा, फरहान अख्तर, जावेद जाफरी, पंकज त्रिपाठी, मनोज बाजपेयी संग अऊ कतको लोगन मन राहत इंदौरी साहब के निधन म दुख जताये हाबे।
शायरी के अलावा राहत साहब कुछ फिलिम म गाना तको लिखो हावय जइसे मीनाक्षी, करीब, मर्डर आदि म उंकर शब्द-शब्दल अम्मर होगे।
राहत इंदौरी साहब के किताब- कलंदर, राहत साहब, रूत राहत इंदौरी, दो कदम और राही, मेरे बाद, धूप बहुत है, चॉद पागल है, नाराज, मौदूज उंकर अनमोल कृति आए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।