Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

शहीद वीर नारायण सिंह स्मारक अउ मानव संग्रहालय के होइस ई-शिलान्यास, मुक्तांगन म 25 करोड़ के लागत ले बनही

रायपुर.09। विश्व आदिवासी दिवस म नवा रायपुर के पुरखौती मुक्तांगन म 25 करोड़ 66 लाख रूपिया के लागत ले बनइया शहीद वीर नारायण सिंह स्मारक अउ संग्रहालय के वीडियो कॉन्फ्रेंसिंग के जरिए ई-शिलान्यास करिस प्रदेश के मुख्यमंत्री श्री बघेल। ये मउका म ओमन आदिवासी समाज ल बधाई अउ शुभकामना दीस। कार्यक्रम म मंत्री डॉ. प्रेमसाय सिंह टेकाम, अमरजीत भगत, कवासी लखमा, रविन्द्र चौबे, ताम्रध्वज साहू, मोहम्मद अकबर, श्रीमती अनिला भेंड़िया, जयसिंह अग्रवाल अउ डॉ. शिव कुमार डहरिया जी मनके अलावा संसदीय सचिव सुश्री शकुंतला साहू, चिंतामणि महाराज, विधायक विनय भगत, गिरीश देवांगन संग आन जनप्रतिनिधि मन उपस्थित रिहिन। 

मुख्यमंत्री ह किहिन के छत्तीसगढ़ के प्रथम शहीद वीर नारायण सिंह के सुरता म पुरखौती मुक्तांगन म बनइया स्मारक ले अवइया पीढ़ी आदिवासी समाज के गौरवशाली इतिहास, संस्कृति अउ शहीद वीर नारायण सिंह के वीरगाथा अउ देश के स्वाधीनता संग्राम म ओकर योगदान ले भली-भांति परिचित होही, शहादत म गर्व करही। स्मारक के अलावा इहां राज्य स्तरीय मानव संग्रहालय तको बनही। संग्रहालय म प्रदेश के हजारों बछर म विकसित गौरवशाली सांस्कृतिक प्रतिमान के विद्यमानता ल सुनिश्चित करे के हर संभव प्रयास करे जाही। ये संस्थान विलुप्तप्राय परन्तु बहुमूल्य सांस्कृतिक परम्परा के संरक्षण अउ पुनर्जीवीकरण खातिर प्रदर्शन, शोध अउ प्रशिक्षण के माध्यम ले आन संस्थान के नता ल बढावा देके बुता करही।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285