आज
सबले बड़का मुद्दा पढ़े लिखे छत्तीसगढ़िया मनके हावय,
ओ
मनला नौकरी चाही। शिक्षक भर्ती, पुलिस भर्ती सहित अउ कतकोन के चयन होय के बाद
भी नियुक्ति नइ होवत हाबे। इही सब बात ल लेके आज जनता कांग्रेस छत्तीसगढ़ के
अध्यक्ष श्री अमित जोगी ह अपन आधिकारिक ट्विटर के माध्यम ले कांग्रेस सरकार ले ‘अगस्त क्रांति
आंदोलन’ के ओढ़र म 30 लाख शिक्षित बेरोजगार मन ल नौकरी
देके किरिया के सुरता करावत ‘छत्तीसगढ़ युवा क्रांति’
के
जबर आगाज करे हावय।
श्री
जोगी ह किथे के ‘अंग्रेज़ सरकार बापू संग किरिया खाय रहिन के
हिटलर के ख़िलाफ लड़ाई म सहयोग के बदला म ओ हर हमला आजादी दीही। फेर अंग्रेज़
सरकार मुकर गिस। एखर विरोध म आज ले ठीक 78 बछर पहिली बापू के आह्वान म हमर
बबा-पुरखा मन ‘अगस्त क्रांति आंदोलन’
के
आग़ाज करे रहिन। ठीक वइसने कांग्रेस चुनई जीते बर छत्तीसगढ़ के 30 लाख शिक्षित
बेरोजगार मन ले नौकरी देके किरिया खाय रहिन। अउ अंग्रेज सरकार कस ऊहु अपन वादा ले
मुकर गेहे।
18
महीना म 18 झन ल नौकरी नइ दिस। जब हमर युवा संगवारी अपन मुख्यमंत्री ले मिले के
कोसिस करत हे त पुलिस उमन ल रोक देथे। फेर ओखर करा सोशल मीडिया म जाके अपन गोठ करे
बर हमला कोनो नइ रोक सकय। एकर सेति मे अपन जम्मो शिक्षित बेरोज़गार संगवारी ले @bhupeshbaghel
ट्विटर
हैंडल अउ http://fb.com/BhupeshBaghelCG म जाके 3 लाइन
के पोस्ट करके ‘छत्तीसगढ़_युवा_क्रांति’
#CGYUVAKRANTI2020
के आग़ाज़ करेके बिनती करत हंवव।’
श्री
अमित जोगी ह युवा मनले अइसन तीन लाइन लिखे के गेलौली करे हाबे-
भूपेश कका!मे छत्तीसगढ़िया हंव।छत्तीसगढ़ म रोज़गार म पहिली अधिकार मोर हे।मोर बिनती हे, ये अधिकार मोला दुहु।
अंग्रेज़ सरकार बापू संग किरिया खाय रहिन के हिटलर के ख़िलाफ़ लड़ाई म सहयोग के बदला म ओ हर हमला आज़ादी दीही।
— Amit Ajit Jogi (@amitjogi) August 9, 2020
फेर अंग्रेज़ सरकार मुकर गिस।एखर विरोध म आज ले ठीक 78 बछर पहिली बापू के आह्वान म हमर बबा-पुरखामन #अगस्त_क्रांति_आंदोलन के आग़ाज़ करे रहिन।1/4 pic.twitter.com/zHJ1YK025T
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।