Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

नव नियुक्त संसदीय सचिव मनला शपथग्रहण के बाद मिलिस मंत्री संग विभाग के जिम्मेदारी

रायपुर.15। छत्तीसगढ़ म 15 विधायक मनला संसदीय सचिव के रूप म मुख्यमंत्री निवास परिसर म आयोजित सादगीपूर्ण समारोह म 15 म पद अउ गोपनीयता के शपथ देवाये गिस। नव-नियुक्त संसदीय सचिव म चिंतामणी महाराज, पारसनाथ राजवाड़े, श्रीमती अंबिका सिंहदेव, चन्द्रदेव प्रसाद राय,  द्वारिकाधीश यादव,  गुरूदयाल सिंह बंजारे,  इंद्रशाह मण्डावी, कुंवरसिंह निषाद, डॉ. श्रीमती रश्मि आशीष सिंह,  रेखचंद जैन, सुश्री शकुन्तला साहू,  शिशुपाल सोरी,  यू.डी. मिंज,  विकास उपाध्याय अउ विनोद सेवन लाल चंद्राकर ह शपथ लीस। 
ये मउका म शपथग्रहण के बाद मुख्यमंत्री श्री भूपेश बघेल, विधानसभा अध्यक्ष डॉ. चरणदास महंत, सांसद पी. एल. पुनिया, सांसद श्रीमती ज्योत्सना महंत सहित प्रदेश सरकार के मंत्रीगण अउ विधायकगण ह नव नियुक्त संसदीय सचिव मनला बधाई अउ शुभकामनाएं दीस। 

शपथ ग्रहण कार्यक्रम के बाद मुख्यमंत्री के अनुमोदन ले सबो नव-नियुक्त संसदीय सचिव मनला मंत्री मनके सम्बद्ध करे के आदेश जारी करे गिस। संसदीय सचिव श्री द्वारिकाधीश यादव ल स्कूल शिक्षा अउ आदिम जाति विकास मंत्री डॉ. प्रेमसाय सिंह टेकाम, श्री विनोद सेवन चंद्राकर अउ श्री गुरूदयाल सिंह बंजारे ल स्वास्थ्य, पंचायत मंत्री श्री टी.एस. सिंहदेव ले सम्बद्ध करे गिस। 

श्री चन्द्रदेव प्रसाद राय अउ श्री शिशुपाल सोरी ल वन अउ परिवहन मंत्री श्री मोहम्मद अकबर ले, सुश्री शकुन्तला साहू ल कृषि अउ जल संसाधन मंत्री श्री रविन्द्र चौबे के साथ, श्री विकास उपाध्याय अउ श्री चिंतामणि महाराज ल गृह अउ लोक निर्माण मंत्री श्री ताम्रध्वज साहू ले, श्रीमती अंबिका सिंहदेव ल लोक स्वास्थ्य यांत्रिकी अउ ग्रामोद्योग मंत्री श्री गुरू रूद्रकुमार ले, श्री यू.डी. मिंज ल वाणिज्यिक कर (आबकारी) अउ उद्योग मंत्री श्री कवासी लखमा ले सम्बद्ध करे गिस। 

अइसने संसदीय सचिव श्री पारसनाथ राजवाड़े ल उच्च शिक्षा अउ खेल, युवा कल्याण मंत्री श्री उमेश पटेल ले, श्री इंद्रशाह मण्डावी ल राजस्व अउ वाणिज्यिक कर (पंजीयन एवं मुद्रांक) मंत्री श्री जयसिंह अग्रवाल ले, श्री कुंवरसिंह निषाद ल खाद्य, संस्कृति मंत्री श्री अमरजीत भगत ले, डॉ. श्रीमती रश्मि आशीष सिंह ल महिला अउ बाल विकास, समाज कल्याण मंत्री श्रीमती अनिला भेंड़िया ले अउ श्री रेखचंद जैन ल नगरीय प्रशासन अउ श्रम मंत्री डॉ. शिव कुमार डहरिया ले सम्बद्ध करे गिस।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ